Urteko lehen irteera da eta zinemara joan ginen gabonetako jaiei amaiera emateko errutinara itzuli aurretik. Pena izan zen Errealak egun berean partidua jokatzea eta gure partaideetako zati handi bat futbolzalea izatea. Hala ere, oso ondo pasatu genuen.
Gabonetako azoka beti da aukera ona hiriko Gabon giroan sartu eta lagun artean ondo pasatzeko. Hiriburutik buelta bat eman eta txurroekin txokolate goxo bat jan genuen Gabonetako azokan. Geroago, uharteko argiak ikustera hurbildu ginen, baina bidean gauza ezberdinekin entretenitu eta berandutu egin zitzaigunez, ez genituen ikusi. Hala ere, arratsalde ahaztezina izan zen.
Abenduko zubian zehar ere arratsaldeko ekintza bat burutu genuen, baina eguraldiak ez zuen atertu. Hortaz, San Telmo Museora joan eta inguratzen gaituen historia eta ohiturak pixka bat ezagutzea aukeratu genuen.
Asteburu batez joan ginen Hondarribiara, larunbat goizetik igandera. Larunbatean herriko kirol portutik paseo bat emateko aprobetxatu genuen, eta zergatik ez!, bertako tabernaren batean jateko. Euria hasi zuenean aterpetxera joan ginen, eta bertan pasa genuen arratsaldea jolas ezberdinez gozatuz: kartak, zapia, ping-ponga,… Denentzako zerbait zegoen! Gauean, pijama kalejira eta zinema saioa ezin izan ziren galdu. Igandean
Arratsalde bikaina pasa genuen Kristina Eneako lorategietatik paseatzen eta parkean bizi diren paumeen bila. Kantatu egin genien arren ezin izan genien hegoak irekita ikusi euren lumaje koloretsua behatu ahal izateko. Hurrengoan agian!
Uda honetan Nafarroara itzuli gara, baina oraingoan, Iruñetik gertu. Aste osoan zehar eguzkia hartzeko eta igerilekuan igerian erlaxatzeko denbora izan genuen, herrian zehar paseatzeko eta herriko museo ezberdinak bisitatu, non gure arbasoek oihalak nola egiten zituzten ikasteko aukera eduki genuen. Baita hiriburuaren erdigunera hurbiltzeko eta San Fermin zezenketa ospetsuak ospatzen diren zezen plaza bisitatzeko ere.
Zoragarria izan zen Aieteko jauregiko lasaitasunaz gozatzea. Lorategietan ibilaldi bat egin genuen igelen kroken soinuarekin eta belardian jolasten aritu ginen lagunen konpainiaz gozatuz.
Aquarium museoan urpeko munduan sartzen gara. Hainbat arrain behatu ahal izan genituen, marrazoak barne!
2020ko udan Gure Sustraiak baserri eskolara joan ginen eta bertan, naturaz gozatzeko eta hainbat ekintza egiteko aukera izan genuen. Alde batetik, baserriko animaliekin burutu beharreko eguneroko lanak egiten ikasi genuen: txerriei jaten eman, oiloen arrautzak jaso, astoak eskuilatu… Bestetik, naturak ematen dizkigun baliabideak aprobetxatuz, krema naturalen tailerra genuen inguruan aurkitzen ditugun belar eta loreak bildu
Oreretan kokatua dagoen San Markos gotorlekuaren bisita egin genuen. Egun osoko irteera izan zen. Goizean gotorlekua bisitatu genuen, harresietan sartu eta begiratokitik bista zoragarriez gozatzeko aukera baliatuz. Eguerdian, merenderoan, zuhaitzen itzalpean, bakoitzak etxetik ekarritako ogitartekoak jateko gelditu ginen. Arratsaldean, eguraldi ona aprobetxatuz, beste ibilaldi bat egin genuen gotorlekua inguratzen duten bideetatik. Azkenik, egunari bukaera eman
